İngiltərənin “Arsenal” klubu Türkiyə milli komandasının daha bir futbolçusuna maraq göstərir.

Lent.az-ın ingilis mətbuatına istinadən məlumatına görə, “Arsenal” rəhbərliyi Fransanın “Soşo” komandasında çıxış edən Mevlüt Erdinçi qış transfer dövründə heyətinə qatmaq niyyətindədir.

Xəbərdə “topçular”ın baş məşqçisi Arsen Vengerin Fransa çempionatında çıxış edən bir neçə perspektivli futbolçunu transfer etmək istədiyi bildirilir. Bu baxımdan, 21 yaşlı hücumçunun A.Vengerin planına uyğun gəldiyi vurğulanıb.

Qeyd edək ki, 2008-ci il Avropa çempionatından sonra “Qalatasaray”da çıxış edən türkiyəli sol cinah yarımmüdafiəçisi Arda Turana da “Arsenal”dan təklif gəlmişdi.

Lent.az